امریکا میں سعودی سفیر کا واشنگٹن میں سعودی فوجی مشن کا دورہ

 مشترکہ مفادات اور دفاعی وعسکری شعبوں میں تعاون بارے آگاہی دی 
 ریاض(یواین پی)امریکا میں تعینات سعودی عرب کی سفیر شہزادی ریما بنت بندر بن سلطان بن عبدالعزیز نے واشنگٹن میں سعودی فوجی مشن کا دورہ کیا ۔عرب ٹی وی کے مطابق اس موقع پر سعودی سفیر کو ملٹری مشن کے شعبوں اور کام بارے آگاہ کیا گیا۔سعودی سفیر دونوں ممالک کے مشترکہ مفادات اور دفاعی وعسکری شعبوں میں تعاون بارے بھی بتایا گیا۔ اس موقع پر ملٹری اتاشی بریگیڈیئرجنرل عبداللہ الخثعمی اور مشن کے دیگر اعلی عہدیدار بھی موجود تھے۔دورے کے اختتام پر شہزادی ریما بنت بندر نے وزیٹرز بک میں اپنے تاثرات بھی قلمبند کیے۔ انہوں نے مشن کے اہلکاروں کی خدمات کو بھی سراہا۔