وزیراعظم شہباز شریف کی زیرصدارت وفاقی کابینہ کا اہم اجلاس آج اسلام آباد میں منعقد ہو گا، جس میں ملکی اہم معاملات سے متعلق 6 نکاتی ایجنڈے پر غور کیا جائے گا۔
اجلاس میں تجارتی، سماجی اور قانونی پہلوؤں پر مختلف اہم فیصلوں کی منظوری متوقع ہے۔
اہم ایجنڈا نکات:
پاکستان اور عرب ریاستوں کے مابین آزاد تجارتی معاہدہ
کابینہ اجلاس میں پاکستان اور عرب ممالک کے درمیان آزاد تجارتی معاہدے کی منظوری دی جائے گی۔
معاہدے کا مقصد:
دو طرفہ تجارتی تعلقات کا فروغ
سرمایہ کاری کے نئے مواقع کی تخلیق
سی کارگو شپنگ ڈاکومنٹس بل 2025
اجلاس میں سی کارگو شپنگ ڈاکومنٹس بل 2025 کے مسودے کی منظوری کا امکان ہے، جس کا مقصد:
بحری تجارتی نظام کو شفاف اور مؤثر بنانا
کارگو نقل و حمل کے عمل کو قانونی تحفظ دینا
غیر رجسٹرڈ ادویات کی درآمد کی اجازت میں توسیع
وفاقی کابینہ غیر رجسٹرڈ ادویات کی درآمد کی اجازت میں توسیع کی منظوری دے گی تاکہ:
ضروری ادویات کی مسلسل فراہمی یقینی بنائی جا سکے
عوام کو صحت کی بنیادی سہولیات میسر رہیں
ای او بی آئی پنشن میں 15 فیصد اضافہ
اجلاس میں یکم جنوری 2025 سے ای او بی آئی پنشن میں 15 فیصد اضافے کی منظوری متوقع ہے،
جس کا مقصد:
بزرگ شہریوں کو مالی ریلیف فراہم کرنا
قومی کینیبِس کنٹرول اور ریگولیٹری پالیسی 2025
کابینہ میں قومی کینیبِس کنٹرول اینڈ ریگولیٹری پالیسی 2025 بھی پیش کی جائے گی تاکہ:
اس شعبے کو منظم اور قانونی دائرے میں لایا جا سکے
تحقیق، طب اور صنعت میں کنٹرول شدہ استعمال کی راہ ہموار کی جا سکے
کابینہ کمیٹی برائے قانون سازی کے فیصلوں کی توثیق
اجلاس میں قانون سازی سے متعلق کابینہ کمیٹی کے فیصلوں کی توثیق بھی ایجنڈے کا حصہ ہو گی۔
