امریکی ناظم الامور پاکستان سے تعلقات مضبوط بنانے کیلئے مصروف

 پاکستانی عوام سے تعلق دل سے قریب ، تعاون کو فروغ دینے کیلئے پرعزم ہوں 
 امریکی کمپنیاں روزگارکے مواقع پیدا کرینگی، عربی،تھوڑی اردوبھی بول لیتی ہوں:نٹالی  
اسلام آباد(بیورو رپورٹ )امریکی ناظم الامور نٹالی اے بیکر امریکا-پاکستان تعلقات کو مضبوط بنانے کے لئے مصروف ہیں ۔تفصیل کے مطابق نیٹالی اے بیکرنے صبح کی کافی کے دوران اپنی ذاتی زندگی اور کام کے بارے میں کچھ دلچسپ باتیں شیئر کیں۔نیٹالی اے بیکر نے کہا کہ سفارتی مصروفیات کے باوجود عوام کے قریب رہنا پسند کرتی ہوں۔ امریکی ناظم الامورنے نئے سلسلے NBExploresPakistan' کے آغاز کا بھی اعلان کیا۔نیٹالی بیکر نے پاکستانی عوام سے اپنے تعلق کو "دل سے قریب" قرار دیا۔ انہوں نے کہا کہ دونوں ممالک کے درمیان تعاون کو فروغ دینے کے لیے پرعزم ہوں۔انہوں نے مزید کہا کہ پاکستان میں کاروبارکرنے والی امریکی کمپنیوں کے سی ای اوز کے ساتھ اجلاس کی تیاری کر رہی ہوں۔ امریکی کمپنیاں پاکستان میں روزگارکے مواقع پیدا کریں گی۔پاکستان بھرمیں لنکن کارنرکے ذریعے امریکامیں تعلیم اور ثقافت کے حوالے سے آگاہی فراہم کررہے ہیں۔امریکی ناظم الامور نے کہا کہ میں عربی،ہسپانوی،کچھ فارسی اور تھوڑی تھوڑی اردوبھی بول لیتی ہوں۔