محکمہ موسمیات کی تیز ہواں اور گرج چمک کے ساتھ بارش کے نئے سلسلے کی پیشگوئی

ڈیرہ غازی خان، ملتان، بہاولپور اور گرد و نواح میں چند مقامات پر بھی بارش ہونے کی توقع ہے
اسلام آباد( آئی این پی )محکمہ موسمیات نے آئندہ دوروز میں ملک کے جنوبی علاقوں میں تیز ہوائوں اور گرج چمک کے ساتھ بارش کے نئے سلسلے کی پیشگوئی کی ہے۔محکمہ موسمیات کے مطابق آج 16 فروری سے ملک کے جنوبی حصوں میں مغربی ہوائوں کے داخل ہونے کا امکان ہے، 16 اور 17 فروری کو وزیرستان، بنوں اور ڈی آئی خان میں گرج چمک کے ساتھ بارش ہونے کی توقع ہے۔اس دوران کوئٹہ، ژوب، زیارت، چمن، قلعہ سیف اللہ، قلعہ عبداللہ، قلعہ سیف اللہ، لورالائی، خضدار، سبی، نصیرآباد، جھل مگسی، مستونگ، بارکھان، موسی خیل اور قلات میں بارش کا امکان ہے۔محکمہ موسمیات نے آواران، گوادر، اورماڑہ، پسنی اور گرد و نواح میں بھی تیز ہواں اور گرج چمک کے ساتھ بارش کا امکان ظاہرکیا ہے۔17 فروری کو کراچی، حیدرآباد، ٹھٹھہ، بدین، جامشورو، سکھر، لاڑکانہ، جیکب آباد اور خیرپور میں بھی بارش کی توقع ہے۔سندھ کے مختلف علاقوں میں تیز ہواں اور بارش کے ساتھ بعض مقامات پر ژالہ باری کا امکان ہے، ڈیرہ غازی خان، ملتان، بہاولپور اور گرد و نواح میں چند مقامات پر بھی بارش ہونے کی توقع ہے۔