پیپلز پارٹی کے چیئرمین بلاول بھٹو زرداری نے سانحہ اے پی ایس پشاور کی 11 ویں برسی پر شہید ہونے والے معصوم طلبہ اور اساتذہ کو خراجِ عقیدت پیش کیا۔
اپنے پیغام میں بلاول بھٹو نے کہا کہ پیپلز پارٹی ملک میں امن، تعلیم اور قانون کی حکمرانی کے لیے پرعزم ہے۔انہوں نے مزید کہا کہ پارٹی شہداء کے خاندانوں کے شانہ بشانہ کھڑی ہے اور ایک ایسے پاکستان کے لیے جدوجہد جاری رکھے گی جہاں ہر بچہ بغیر خوف کے تعلیم حاصل کر سکے اور اپنے خواب پورے کر سکے۔چیئرمین پیپلز پارٹی نے کہا کہ شہداء کی قربانیاں ہمیشہ قوم کے لیے محفوظ، مضبوط اور پرامن پاکستان کی راہ دکھاتی رہیں گی۔یہ بیان پیپلز پارٹی کے عزم اور سانحہ اے پی ایس کے متاثرہ خاندانوں کے ساتھ ہمدردی کا مظہر ہے۔
