شہداء کو سرکاری اعزاز کیساتھ سپرد خاک کیاجائے گا:گنڈا پور

پشاور(آئی این پی)خیبرپختونخوا حکومت نے ہیلی کاپٹر حادثے میں شہید افراد اور سیلاب سے جانی نقصان پر  آج  سوگ منانے کا اعلان کیا ہے۔وزیراعلی کے پی علی امین گنڈاپور نے کہا ہے کہ باجوڑ کیلئے امدادی سامان لے جانے والا کے پی حکومت کا ہیلی کاپٹر کریش کر گیا جس میں 2پائلٹ سمیت عملے کے 5 افراد شہید ہو گئے۔انہوں نے بتایا کہ ایم آئی 17 ہیلی کاپٹر خراب موسم کی وجہ سے کریش ہوا، کل یوم سوگ منایا گیا جائے گا اور میں قومی پرچم سرنگوں رہے گا حادثے کی جگہ پر امدادی ٹیمیں روانہ کردی گئیں۔وزیراعلی نے کہا کہ شہدا کو سرکاری اعزاز کیساتھ سپرد خاک کیاجائے گا ہم شہداکے اہل خانہ کیغم میں برابر کے شریک ہیں،  شہداکے درجات کی بلندی اور پسماندگان کیلئے صبر جمیل کی دعاکرتے ہیں۔ان کا کہنا تھا کہ ہیلی کاپٹر عملے نے دوسروں کی جائیں  بچانے کیلئے اپنی جانیں قربان کر دیں یہ ہمارے اصل ہیرو ہیں، ان کی قربانی تاریخ میں سنہرے حروف میں لکھی جائے گی۔