ایران کے پارلیمنٹ کے اسپیکر باقر قالیباف نے امریکہ پر زور دیا ہے کہ لبنان سمیت جاری جنگ بندی کے معاہدے کی مکمل اور فوری پابندی کو یقینی بنایا جائے۔
انہوں نے ایکس پر اپنے بیان میں کہا کہ لبنان میں کامیاب جنگ بندی اس بات پر منحصر ہے کہ حزب اللہ، جو کہ ایران کی حمایت یافتہ اہم تنظیم ہے، اپنی مستقل جدوجہد جاری رکھے۔
قالیباف نے یہ بھی بتایا کہ ایران اور اس کے زیر اثر محورِ مزاحمت، جس میں حزب اللہ، حماس، یمن کے حوثی اور عراقی شیعہ ملیشیا شامل ہیں، ہر حالت میں متحد اور ایک ہی روح کے حامل ہیں، چاہے میدان جنگ ہو یا امن معاہدہ۔ انہوں نے امریکہ کو تنقید کا نشانہ بناتے ہوئے کہا کہ اسرائیل فرسٹ پالیسی سے پیچھے ہٹنا وقت کی اہم ضرورت ہے تاکہ خطے میں حقیقی اور مستحکم امن قائم کیا جا سکے۔
