ویب ڈیسک: پاکستان پیپلز پارٹی کی سینئر رہنما اور سینیٹر پلوشہ خان کے والد محترم انتقال کر گئے۔
ان کے انتقال پر سیاسی، سماجی اور صحافتی حلقوں میں گہرے دکھ اور افسوس کا اظہار کیا جا رہا ہے۔مرحوم کی نمازِ جنازہ آج بروز بدھ، 16 اپریل 2025 کو چارسدہ میں ادا کی جائے گی، جس میں عزیز و اقارب، سیاسی شخصیات، دوست احباب اور شہریوں کی بڑی تعداد میں شرکت متوقع ہے۔پاکستان پیپلز پارٹی کی قیادت، اراکینِ پارلیمنٹ اور دیگر رہنماؤں نے سینیٹر پلوشہ خان سے اظہار تعزیت کرتے ہوئے مرحوم کے لیے مغفرت، جنت الفردوس میں اعلیٰ مقام اور لواحقین کے لیے صبر جمیل کی دعا کی ہے۔
پارٹی ذرائع کے مطابق پیپلز پارٹی کے شریک چیئرمین آصف علی زرداری، چیئرمین بلاول بھٹو زرداری اور دیگر مرکزی رہنماؤں نے بھی پلوشہ خان سے رابطہ کر کے گہرے رنج و غم کا اظہار کیا اور مرحوم کی خدمات کو سراہا۔سیاسی مبصرین کا کہنا ہے کہ پلوشہ خان نہ صرف ایک فعال سیاستدان بلکہ ایک بااصول شخصیت کی بیٹی ہیں، جن کے والد محترم نے ان کی زندگی میں اہم کردار ادا کیا۔
