آزاد کشمیر کے عوام کا جینا مشکل کر دیا گیا ہے، احتجاج پر عوام کا شدید ردعمل

مظفر آباد(آئی این پی ) آزادکشمیر کے شہریوں نے کالعدم جوائنٹ ایکشن کمیٹی کی ہڑتال و احتجاج پر آڑے ہاتھوں لیتے ہوئے کہا ہے کہ کالعدم کمیٹی کی ہڑتال کے باعث غریب دیہاڑی دار طبقہ شدید ترین مشکلات کا شکار ہے۔میڈیارپورٹ کے مطابق ایک مقامی شہری نے کہا کہ گھروں میں نہ چینی ہے نہ آٹا اور روزگار بند ہونے سے چولہے ٹھنڈے پڑ گئے ہیں، ہسپتال، میڈیکل سٹورز اور تندور بند ہونے سے مریض ادویات اور لوگ روٹی کیلئے خوار ہو رہے ہیں۔ایکشن کمیٹی کے اس احتجاج نے عام آدمی کی مشکلات کم کرنے کے بجائے مزید اضافہ کر دیا ہے، آزاد کشمیر کے غریب عوام اب مزید کسی بھی پریشانی، ہڑتال اور بحران کے متحمل نہیں ہوسکتے۔شہری نے مزید کہا کہ کچھ عناصرکی جانب سے صورتحال کے بارے میں حقائق کے برعکس غلط خبریں اور افواہیں پھیلائی جا رہی ہیں۔