کراچی کے نیشنل بینک اسٹیڈیم میں کھیلی جا رہی پانچ ٹی20 میچوں کی سیریز کے پہلے مقابلے میں جنوبی افریقہ انڈر 19 ویمن ٹیم نے پاکستان انڈر 19 ویمن ٹیم کو 4 وکٹوں سے شکست دے کر سیریز میں 0-1 کی برتری حاصل کر لی۔
پاکستان انڈر 19 ویمن ٹیم نے پہلے بیٹنگ کرتے ہوئے مقررہ اوورز میں 103 رنز بنائے۔ پاکستانی بیٹرز بڑی شراکت قائم کرنے میں ناکام رہیں، جس کے باعث ٹیم بڑا مجموعہ ترتیب نہ دے سکی۔104 رنز کے ہدف کے تعاقب میں جنوبی افریقہ انڈر 19 ویمن ٹیم نے ذمہ دارانہ بیٹنگ کا مظاہرہ کرتے ہوئے 6 وکٹوں کے نقصان پر مطلوبہ ہدف حاصل کر لیا اور سیریز کا آغاز کامیابی کے ساتھ کیا۔یہ پانچ ٹی20 میچوں پر مشتمل سیریز کراچی کے نیشنل بینک اسٹیڈیم میں کھیلی جا رہی ہے، جہاں دونوں ٹیمیں نوجوان کھلاڑیوں کو بین الاقوامی سطح پر اپنی صلاحیتوں کے اظہار کا موقع فراہم کر رہی ہیں۔پہلے میچ میں کامیابی کے بعد جنوبی افریقہ نے سیریز میں 0-1 کی برتری حاصل کر لی، جبکہ پاکستانی ٹیم اگلے میچ میں فتح حاصل کر کے سیریز برابر کرنے کی کوشش کرے گی۔
