حوثی سعودی عرب، کیخلاف جارحیت اور دشمنانہ کارروائیاں بند کریں،حافظ طاہر اشرفی

اسلام آباد(آن لائن)پاکستان علماء کونسل اور انٹرنیشنل تعظیمِ حرمین شریفین کونسل نے مملکتِ سعودی عرب پر حوثی گروہ کی جانب سے کیے گئے بیلسٹک میزائل حملے کی شدید الفاظ میں مذمت کرتے ہوئے اسے خطے کے امن، سلامتی اور استحکام کے خلاف ایک ناقابلِ قبول جارحیت قرار دیا ہے۔پاکستان علماء کونسل کے چیئرمین اور انٹرنیشنل تعظیمِ حرمین شریفین کونسل کے سیکرٹری جنرل حافظ محمد طاہر محمود اشرفی کی جانب سے جاری بیان میں دونوں تنظیموں نے سعودی مسلح افواج کو حملے کو بروقت اور کامیابی کے ساتھ ناکام بنانے پر خراجِ تحسین پیش کیا اور کہا کہ یہ کامیابی مملکتِ سعودی عرب کے مضبوط، مؤثر اور جدید دفاعی نظام کا واضح ثبوت ہے۔بیان میں حوثیوں پر زور دیا گیا کہ وہ فوری طور پر ارضِ حرمین شریفین، مملکتِ سعودی عرب، کے خلاف ہر قسم کی جارحیت اور دشمنانہ کارروائیاں بند کریں اور ایسے کسی بھی اقدام سے گریز کریں جس سے حرمین شریفین کے تقدس، مملکت کی سلامتی، امن اور استحکام کو خطرات لاحق ہوں