ویب ڈیسک: فرانس میں یومِ آزادی "باستیل ڈے" کی تقریبات جوش و خروش اور شاندار مناظر کے ساتھ منائی گئیں۔
ملک بھر میں عوام نے ملی جوش و جذبے کے ساتھ قومی دن کا جشن منایا، جبکہ پیرس میں ہونے والی مرکزی فوجی پریڈ، فضائی کرتب، آتشبازی اور ڈرون شوز تقریب کے مرکزی حصے رہے۔
مرکزی تقریب: شانزے لیزے پر عظیم فوجی پریڈ
پیرس کی معروف شانزے لیزے ایونیو پر ہونے والی مرکزی فوجی پریڈ میں:7,000 فوجی اہلکاروں نے حصہ لیا.اہلکاروں نے پیدل، گھڑسوار اور بکتر بند گاڑیوں کے ساتھ مارچ کیا.تقریب کا آغاز فرانسیسی صدر ایمانوئل میکرون نے آرک دی ٹرایمف میں "فلیم آف دی ان نون سولجر" کمیٹی کو نئی تلوار پیش کر کے کیا.یہ تقریب بلوئے دے فرانس تنظیم کے قیام کی 100ویں سالگرہ کی مناسبت سے منعقد کی گئی تھی۔
فضائی کرتب اور بین الاقوامی شرکت
پریڈ میں فرانسیسی فضائیہ کے ساتھ اٹلی، اسپین، جرمنی، برطانیہ، بیلجیئم، اور سوئٹزرلینڈ کی فضائی افواج نے بھی شرکت کی.جنگی طیاروں نے پیرس کی فضاؤں میں ساکرے کور باسیلیکا اور لوور پیرامڈ کے اوپر سے فلائی پاسٹ کیا.فرانس کی مشہور ایروبیٹک ٹیم "پتروئی دے فرانس" نے آسمان پر قومی رنگوں کے ساتھ شاندار مظاہرہ پیش کیا
پولیس، کیڈٹس اور عوامی جوش
تقریب میں:
انسداد دہشت گردی بریگیڈ، فوجی یونٹس، پولیس فورس اور اسکول کیڈٹس نے بھرپور شرکت کی
ملک بھر کے شہروں میں عوام نے قومی دن کو ریلیوں، پریڈز اور آتشبازی کے ذریعے منایا
ایفل ٹاور کے گرد ڈرون لائٹ شو
شام کو جشن کا climax ایفل ٹاور کے گرد خصوصی ڈرون لائٹ شو اور آتشبازی کا شاندار مظاہرہ تھا، جس نے رات کو روشنیوں، رنگوں اور وطن سے محبت کے جذبے سے روشن کر دیا۔
