واشنگٹن: امریکا نے وینزویلا کے تیل کی پہلی باضابطہ فروخت مکمل کر دی ہے، جس کی مالیت 500 ملین ڈالر بتائی گئی ہے۔
امریکی حکام کے مطابق آئندہ دنوں میں وینزویلا کے تیل کی مزید فروخت کی توقع ہے۔وائٹ ہاؤس کے ترجمان نے کہا کہ صدر ڈونلڈ ٹرمپ کی ٹیم تیل کمپنیوں کے ساتھ مذاکرات میں مصروف ہے اور کمپنیاں وینزویلا کے تیل کے بنیادی ڈھانچے کی بحالی اور سرمایہ کاری کے لیے تیار ہیں۔واضح رہے کہ امریکا نے 3 جنوری کو وینزویلا میں ایک فوجی کارروائی کی تھی، جس میں صدر نیکولس مادورو اور ان کی اہلیہ سیلیا فلوریس کو گرفتار کر کے امریکی عدالت میں پیش کیا گیا تھا۔ماہرین کا کہنا ہے کہ وینزویلا کے تیل کی فروخت سے امریکا اور وینزویلا کے درمیان توانائی کے شعبے میں تعلقات میں نئی حرکیات پیدا ہو سکتی ہیں، جبکہ عالمی مارکیٹ میں خام تیل کی قیمتوں پر بھی اثرات مرتب ہو سکتے ہیں۔توقع ہے کہ وینزویلا کے اضافی تیل کے معاہدے آئندہ ہفتوں میں امریکی کمپنیوں کے ساتھ طے پائیں گے، جس سے دونوں ممالک کی معیشت اور سرمایہ کاری کے مواقع میں اضافہ ممکن ہے۔
