اختیارات کی نچلی سطح تک منتقلی کیلئے آئینی ترمیم پر نایاب اتفاقِ رائے

سمٹ 2026 کے شرکاء نے باضابطہ طور پر اسلام آباد ڈیولوشن سمٹ چارٹر منظور کرلیا
 ریاستی اختیار کے استحکام کے لیے آئینی وضاحت ناگزیر ہے:چیئرمین سینیٹ کا سمٹ سے خطاب
اسلام آباد(ایجنسیاں) پاکستان کے نظامِ حکمرانی میں اصلاحات کی فوری ضرورت پر ایک نایاب بین الجماعتی اور بین شعبہ جاتی اتفاقِ رائے  اس وقت سامنے آیا جب ڈیولوشن سمٹ 2026 کے شرکاء￿  نے باضابطہ طور پر اسلام آباد ڈیولوشن سمٹ چارٹر 2026 کو منظور کیا۔ سمٹ کے اختتام پر قائم مقام صدرِ پاکستان اور چیئرمین سینیٹ، سید یوسف رضا گیلانی، بطور مہمانِ خصوصی شریک ہوئے اور انہوں نے چارٹر کو اصلاحات کی ترجیحات کا ایک سنجیدہ اور بروقت اظہار قرار دیا۔شرکاء￿  سے خطاب کرتے ہوئے یوسف رضا گیلانی نے کہا کہ سمٹ کی آئینی ساخت، مالی اختیارات کی منتقلی اور ادارہ جاتی اصلاحات پر توجہ وفاق کے بنیادی تضادات کو براہِ راست حل کرتی ہے۔ انہوں نے کہا  ریاستی اختیار کے استحکام کے لیے آئینی وضاحت ناگزیر ہے، مالی نظام ایسا ہونا چاہیے کہ وسائل قابلِ اعتماد انداز میں ذمہ داریوں کے ساتھ منسلک ہوں، اور ادارہ جاتی اصلاحات — بالخصوص سول سروس کی اصلاح — پالیسی کو مؤثر عوامی خدمات میں تبدیل کرنے کے لیے لازمی ہیں۔ انہوں نے مزید کہا کہ ان تمام موضوعات کو یکجا طور پر زیرِ بحث لانا اصلاحات کے لیے ایک بالغ اور غیر جانبدارانہ طرزِ فکر کی علامت ہے۔