راولپنڈی: کم سن لڑکے کا گلا کاٹ کر لاش گلی میں پھینک دی گئی

ڈھوک کالاخان میںملزمان نے لڑکے کے گلے پر تیز دھار آلہ پھیر کر قتل کیا، پولیس
راولپنڈی (آئی این پی )  راولپنڈی میں گلی سے نامعلوم کم سن لڑکے کی لاش برآمد ہوئی۔پولیس کے مطابق راولپنڈی کے تھانہ صادق آباد کے علاقے ڈھوک کالا خان سے نامعلوم کم سن لڑکے کی لاش برآمد ہوئی۔ لاش کو رات گئے گلی میں پھینک دیا گیا تھا۔پولیس کا کہنا ہے کہ کم سن لڑکے کو ملزمان نے گلے پر تیز دھار آلہ پھیر کر قتل کیا۔تھانہ صادق آباد پولیس اور کرائم سین یونٹ کی ٹیم موقع پر پہنچ گئی۔ جائے وقوعہ سے فرانزک شواہد حاصل کیے گئے۔