امید ہے ترقی یافتہ ممالک کلائمیٹ فنانسنگ کے وعدے پورا کرینگے شہبازشریف

موسمیاتی تبدیلی کے اثرات سے نمٹنے کیلئے کلائمیٹ فنانسنگ اہم ہے، پائیدار ترقی کے اہداف کے حصول کیلئے مالیاتی فرق دور کیا جانا چاہیے:  وزیراعظم کی اقوام متحدہ کنٹری ٹیم کے محمد یحیی سے ملاقات میں گفتگو
 اسلام آباد(آئی این پی )وزیراعظم سے یو این کے ریزیڈنٹ کوآرڈینیٹر محمد یحیی نے ملاقات کی ہے۔ شہباز شریف نے اقوام متحدہ کنٹری ٹیم کے پاکستان میں جاری کاموں  کو سراہا۔وزیراعظم کا کہنا تھا موسمیاتی تبدیلی کے اثرات سے نمٹنے کیلئے کلائمیٹ فنانسنگ اہم ہے ۔ امید ہے ترقی یافتہ ممالک اس سلسلے میں اپنے وعدے پورا کریں گے۔شہبازشریف نے عالمی مالیاتی اداروں میں ترقی پذیر ممالک کی نمائندگی بڑھانے پر زور دیا ۔ کہا موسمیاتی تبدیلی اور دیگر منصوبوں میں اقوام متحدہ کے ساتھ کام جاری رکھیں گے۔ پائیدار ترقی کے اہداف کے حصول کیلئے مالیاتی فرق دور کیا جانا چاہیے۔ وزیراعظم نے 2022 کے سیلاب میں پاکستان کی عالمی حمایت کیلئے سیکرٹری جنرل یو این کے کردار کی تعریف  کیں۔ موسمیاتی تبدیلیوں سے نمٹنے کے حوالے سے پاکستان کے مضبوط سیاسی عزم کا اعادہ کیا۔