امریکہ کیساتھ مذاکرات کا دوسرا دور19اپریل کوہوگا:ایران

 صرف جوہری معاملات  پر گفتگو ہوگی‘کسی اور موضوع پر بات نہیں کرینگے:وزارت خارجہ
  تہران (آئی این پی )  ایران نے تصدیق کی ہے کہ امریکہ کے ساتھ جوہری مسئلے اور اقتصادی پابندیوں کے خاتمے پر اگلا دور بالواسطہ مذاکرات کی صورت میں اگلے ہفتے ہوگا، جس میں عمان بطور ثالث کردار ادا کرے گا۔۔ غیرملکی خبررساں ادارے کے مطابق ایرانی وزارت خارجہ کے ترجمان اسماعیل بقائی نے ریاستی ٹی وی پر بتایا کہ مذاکرات کا اگلا دور 19 اپریل کو ہوگا اور اس میں صرف جوہری معاملات اور پابندیاں اٹھانے پر گفتگو ہوگی۔ انہوں نے واضح کیا کہ ایران امریکہ سے کسی اور موضوع پر بات چیت نہیں کرے گا۔ایران اور امریکہ نے ان مذاکرات کو "تعمیری" قرار دیا ہے۔