ایران ہمارے ساتھ ڈیل کرنے کیلئے بے تاب ہے: ڈونلڈ ٹرمپ

 ایران کسی بھی طرح جوہری ہتھیار نہیں رکھ سکتا‘ جنگ مڈٹرم الیکشن کے بعد ختم ہوجائے گی
مصنوعی ذہانت کی صنعت کو سست ہونا چاہیے، جو بھی اے آئی میں سبقت لے گا، وہی جیتے گا
آئرلینڈ (مانیٹرنگ ڈیسک)امریکی صدر ڈونلڈ ٹرمپ نے کہا ہے  ایران ہمارے ساتھ ڈیل کرنے کیلئے بے تاب ہے، ایران کے ساتھ جنگ مڈٹرم الیکشن کے بعد ختم ہوجائے گی۔آئرلینڈ میں میڈیا سے گفتگو میں ڈونلڈ ٹرمپ نے کہا  ایران کسی بھی طرح جوہری ہتھیار نہیں رکھ سکتا، ہمارے نمائندے ایران سے ملاقات کریں، مجھے کوئی اعتراض نہیں، میں ایسا معاہدہ نہیں کروں گا جو مکمل طور پر میرے لیے قابلِ قبول نہ ہو۔امریکی صدر نے کہا کہ یوکرین کے معاملے پر زیلنسکی سے بات ہوئی ہے، زیلنسکی کوروس میں تیل تنصیبات کو نشانہ بنانا بند کرنا ہوگا۔ کہا ہم وینزویلا سے بڑی مقدار میں تیل حاصل کررہے ہیں، وینزویلا میں انتخابات اس وقت ہوں گے جب ان کے لیے حالات سازگار ہوں گے۔ڈونلڈ ٹرمپ کا کہنا تھا کہ مصنوعی ذہانت کی صنعت کو سست ہونا چاہیے، جو بھی اے آئی میں سبقت لے گا، وہی جیتے گا