سندھ کے سینئر وزیر شرجیل انعام میمن نے کراچی میں شہری ترقی کے بڑے اور متعدد منصوبوں کی رفتار اور جاری کاموں کی تفصیلات جاری کی ہیں۔
انہوں نے بتایا کہ شہر میں ترقیاتی سرگرمیاں تیزی سے جاری ہیں اور مختلف اداروں کے تحت کئی اہم منصوبے مکمل یا جاری ہیں۔شرجیل میمن کے مطابق، کراچی میں 9 بڑے ترقیاتی منصوبے 7.66 ارب روپے کی لاگت سے مکمل کیے جا رہے ہیں۔ اس کے علاوہ، کے ڈی اے کے 76 منصوبے 13.22 ارب روپے میں جاری ہیں، اور کے ایم سی 200 منصوبوں پر 18.36 ارب روپے خرچ کر رہی ہے۔ KW&SC اور لیاری ڈویلپمنٹ اتھارٹی بھی مختلف ترقیاتی منصوبوں پر کام کر رہے ہیں۔حب کینال اور ڈملوٹی پانی کی پائپ لائن کے منصوبے ایک سال کے اندر مکمل ہونے کی توقع ہے، جن سے ڈی ایچ اے کو 10 MGD پانی فراہم کیا جائے گا۔ غیر ملکی مالی معاونت سے کراچی واٹر اینڈ سیوریج سروسز امپروومنٹ کے منصوبوں میں، مرحلہ اول 25.47 ارب روپے کی لاگت سے مکمل ہو رہا ہے، جبکہ مرحلہ دوم 167.10 ارب روپے میں کراچی کے پرانے پانی اور سیوریج نظام کی تجدید کرے گا۔
تعلیم کے شعبے میں بھی سندھ حکومت اہم اقدامات کر رہی ہے۔ موجودہ مالی سال میں 130 اسکیموں کے تحت 1,280 تعلیمی یونٹس مکمل کیے جا رہے ہیں، جن پر تقریباً 15.57 ارب روپے لاگت آئے گی، جن میں سے 1.88 ارب روپے پہلے ہی جاری کیے جا چکے ہیں۔ سیلاب سے متاثرہ اسکولوں کی بحالی کے لیے 30 اضلاع میں 12.33 ارب روپے کی سرمایہ کاری کی جا رہی ہے۔ علاوہ ازیں، جاپان کے بین الاقوامی تعاون ادارہ جے آئی سی اے کے پروگرام کے تحت پانچ اضلاع میں 20 لڑکیوں کے اسکولوں کو پرائمری سے ایلیمنٹری سطح تک ترقی دی گئی ہے۔شرجیل میمن نے کہا کہ کراچی کے لیے مجموعی ترقیاتی منصوبہ 2025–26 کے دوران 756 اسکیموں پر مشتمل ہے، جن میں سے 713 جاری ہیں، 17 کی کئری فورورڈ ہے، اور 43 نئی اسکیمیں شامل ہیں۔
