ویب ڈیسک:جوہی چاؤلہ، بھارتی فلم انڈسٹری کی مشہور اداکارہ اور کاروباری شخصیت، نے حالیہ رچ لسٹ 2024 میں بھارت کی امیر ترین اداکارہ کا اعزاز حاصل کیا ہے، ان کی مجموعی دولت کا تخمینہ 4600 کروڑ بھارتی روپے لگایا گیا ہے۔
جوہی نے 1986 میں فلم "سلطنت" سے اپنے کیریئر کا آغاز کیا، اور اس کے بعد متعدد کامیاب فلموں جیسے "ڈر"، "انداز"، "ہم ہیں راہی پیار کے"، "یس باس"، "ڈپلیکیٹ"، اور "عشق" میں مرکزی کردار ادا کیے، جس سے انہوں نے اپنی جگہ بالی ووڈ کی صف اول کی اداکاراؤں میں بنائی۔جوہی چاؤلہ نہ صرف ایک کامیاب اداکارہ ہیں، بلکہ وہ ایک کاروباری شخصیت، سماجی کارکن، اور بھارتی پریمیئر لیگ (آئی پی ایل) کی شریک مالک بھی ہیں۔ ان کی آمدنی اداکاری کے علاوہ کاروبار سے بھی ہے، جس کا واضح اثر ان کی دولت پر پڑا ہے۔ حالیہ برسوں میں جوہی چاؤلہ نے مختلف شعبوں میں اپنی کامیابیاں برقرار رکھی ہیں۔
جوہی چاؤلہ کی حالیہ واپسی نیٹ فلکس کی فلم "فرائیڈے نائٹ پلان" کے ذریعے ہوئی ہے، جس میں بابل خان بھی اداکاری کر رہے ہیں۔ اس فلم کے ذریعے انہوں نے کئی سالوں بعد اسکرین پر واپسی کی، جسے ان کے مداحوں نے بہت پسند کیا۔جوہی نے اپنے کیریئر کے آغاز اور زندگی کے مشکلات کا ذکر کرتے ہوئے کہا کہ انہوں نے اپنے کیریئر کو بچانے کے لیے شادی کو خفیہ رکھا تھا۔ اس دوران ان کی والدہ کا انتقال ہوا، جس کے بعد وہ غم اور مشکلات کا شکار ہو گئیں، اور انہیں اپنے کام اور ذاتی زندگی میں سب کچھ کھونے کا خوف تھا۔ تاہم، انہوں نے خود کو سنبھالتے ہوئے ہر شعبے میں واپسی کی اور کامیابی حاصل کی۔جوہی چاؤلہ کی شادی بھارتی کاروباری شخصیت جے مہتا سے ہوئی، جن سے ان کے دو بچے ہیں۔ ان کی زندگی کی کہانی محنت، عزم، اور خود اعتمادی کی علامت ہے۔
