آبنائے ہرمز بندش،روس کو تیل سے یومیہ 150 ملین ڈالر اضافی آمدن ہونے لگی

ایران جنگ کے بعد روسی تیل کی مانگ میں اضافہ،بھارت اور چین بڑی خریدار منڈیاں بن گئی ہیں، برطانوی جریدہ 
لندن(آئی این پی )مشرقِ وسطی میں جنگی صورت حال  اور آبنائے ہرمز  بند ہونے کی وجہ سے روس کو تیل سے یومیہ 150 ملین ڈالر اضافی آمدن ہورہی ہے۔برطانوی جریدے  کی رپورٹ کے مطابق ایران جنگ کے بعد روسی تیل کی مانگ میں اضافہ ہو گیا ہے اور بھارت اور چین بڑی خریدار منڈیاں بن گئی ہیں۔برطانوی جریدے نے بتایا کہ مشرقِ وسطی میں جنگی صورت حال اور آبنائے ہرمز بند ہونے کی وجہ سے روس کو تیل سے یومیہ 150 ملین ڈالر اضافی آمدن ہورہی ہے۔برطانوی جرید کے مطابق تیل برآمدات پر ٹیکس سے روس کو اب تک 1.3 سے 1.9 ارب ڈالر غیر متوقع فائدہ ہو رہا ہے، قیمتیں برقرار رہیں تو مارچ میں روس کو 3.3 سے 4.9 ارب ڈالر اضافی آمدن ہوسکتی ہے۔برطانوی جریدے کا کہنا ہیکہ بھارت کی روسی تیل درآمدات 1.5 ملین بیرل یومیہ تک پہنچ گئیں اور ان میں ایک ماہ میں 50 فیصد اضافہ ہوا ہے۔