وزیراعظم خان ہی پاکستان کی انشورنس پالیسی ہیں:عالیہ حمزہ

ملک میں دہشت گردی کے خاتمے کیلئے وزیراعظم خان کی جیل سے واپسی ضروری ہے: چیف آرگنائزر 
  لاہور(آئی  این پی )پی ٹی آئی رہنما عالیہ حمزہ نے کہا ہے کہ وزیراعظم عمران  خان ہی پاکستان کی انشورنس پالیسی ہیں۔پاکستان تحریک انصاف پنجاب کی چیف آرگنائزر عالیہ حمزہ نے کوٹ لکھپت جیل کے باہر میڈیا سے گفتگو کرتے ہوئے بانی پی ٹی آئی عمران خان کو وزیراعظم خان کہہ کر پکارا اور اپنے بیان میں کہا کہ ملک میں دہشت گردی کے خاتمے کے لیے وزیراعظم خان کی جیل سے واپسی ضروری ہے۔انہوں نے کہا کہ ملک میں جو کچھ ہورہا ہے اس کو بچانے کے لیے ترجیحات یہ ہیں کہ پی ٹی آئی کے بجائے دہشت گردوں کے خلاف کارروائی کی جائے۔ حکومت آپریشن کے وقت جگت بازی میں مصروف تھی۔