لارڈز، لندن: انگلینڈ اور بھارت کے درمیان جاری تیسرا ٹیسٹ فیصلہ کن مرحلے میں داخل ہو گیا ہے، جہاں پانچویں روز کا کھیل سنسنی خیز مقابلے کی نوید دے رہا ہے۔
میچ کے آخری روز بھارت کو فتح کے لیے مزید 135 رنز درکار ہیں جبکہ انگلینڈ کو صرف 6 وکٹیں حاصل کرنی ہیں۔پانچویں دن کا آغاز بھارت نے 58 رنز 4 وکٹوں کے نقصان سے کیا۔ تاہم دن کے آغاز میں ہی رشبھ پنت صرف 9 رنز بنا کر آؤٹ ہو گئے، جس کے کچھ دیر بعد کے ایل راہول بھی 39 رنز پر اپنی وکٹ گنوا بیٹھے۔ واشنگٹن سندر کھاتہ کھولے بغیر پویلین لوٹ گئے۔اس وقت رویندرا جدیجا اور نتیش کمار ریڈی میدان میں موجود ہیں، اور بھارت کو جیت کی امیدیں اب انہی بلے بازوں سے وابستہ ہیں۔
میچ کا خلاصہ:
پہلی اننگز:
انگلینڈ: 387 آل آؤٹ
بھارت: 387 آل آؤٹ (کے ایل راہول کی شاندار سنچری)
دوسری اننگز:
انگلینڈ: 192 آل آؤٹ
بھارت کو ہدف: 193 رنز
انگلینڈ کی جانب سے جو روٹ نے شاندار سنچری اسکور کی، جبکہ بھارت کے لیے کے ایل راہول نمایاں بلے باز رہے۔میچ کے اس سنسنی خیز مرحلے میں دونوں ٹیموں کے لیے فتح کے یکساں امکانات ہیں، اور شائقین کرکٹ کو ایک دلچسپ اختتام کی امید ہے۔
