ملک بھر میں مون سون کے دوسرے سپیل کے دوران مختلف شہروں میں بارشوں کا سلسلہ جاری ہے، جس سے موسم تو خوشگوار ہو گیا ہے، مگر کئی علاقوں میں نشیبی مقامات زیر آب آ گئے ہیں اور سیلابی صورتحال نے تشویش پیدا کر دی ہے۔
لاہور میں بارش، موسم خوشگوار:
لاہور کے مختلف علاقوں جیسے ٹاؤن شپ، کینال روڈ، مسلم ٹاؤن، اچھرہ، شمع، قرطبہ چوک اور جیل روڈ میں کہیں ہلکی اور کہیں تیز بارش ہوئی، جس سے موسم خوشگوار ہو گیا۔رات گئے بھی ڈیفنس، غازی روڈ، فیروز پور روڈ اور والٹن سمیت متعدد علاقوں میں بوندا باندی ہوتی رہی۔
دیگر شہروں کی صورتحال:
راولپنڈی: موسلا دھار بارش کے باعث کئی مقامات پر پانی گھروں میں داخل ہو گیا۔
بہاولنگر و منچن آباد: مسلسل بارش سے نشیبی علاقے زیر آب، گلیاں اور سڑکیں ندی نالوں کا منظر پیش کرنے لگیں۔
مری: موسلادھار بارش کے باعث سڑکوں پر گاڑیوں کی لمبی قطاریں لگ گئیں۔
پشاور: مختلف علاقوں میں بارش کے بعد کئی جگہیں پانی میں ڈوب گئیں۔
ضلع خیبر: ندی نالوں میں طغیانی، ایک گاڑی ریلے میں بہہ گئی۔
ملاکنڈ: آندھی و طوفان سے دیوار گرنے کا واقعہ، 2 بچیاں جاں بحق۔
راجن پور: سیلابی کیفیت
کوہِ سلیمان پر مسلسل بارش کے باعث ندی نالوں میں طغیانی
نالہ چھاچھڑ میں 50 ہزار کیوسک کا سیلابی ریلا
نہر میں شگاف کے بعد کپاس اور چاول کی فصلیں متاثر
دریائے سندھ میں پانی کی سطح بلند:
کشمور میں گڈو بیراج پر پانی کی سطح مزید بلند ہو گئی ہے۔
محکمہ ایریگیشن نے درمیانے درجے کے سیلاب کا اعلان کر دیا
کنٹرول روم کے مطابق:
آمد: 3 لاکھ 55 ہزار 283 کیوسک
اخراج: 3 لاکھ 15 ہزار 558 کیوسک
24 گھنٹوں میں پانی کی سطح میں 13 ہزار 190 کیوسک کا اضافہ
آئندہ 24 سے 48 گھنٹوں میں مزید اضافے کا امکان
محکمہ موسمیات کی پیشگوئی:
محکمہ موسمیات کے مطابق بارشوں کا یہ سلسلہ جمعرات تک جاری رہنے کا امکان ہے، جبکہ شہریوں کو محتاط رہنے کی ہدایت جاری کی گئی ہے۔
