روس کے دارالحکومت ماسکو شدید سردی اور برفباری کی لپیٹ میں ہے، جہاں اس ماہ 146 سال پرانا ریکارڈ ٹوٹ گیا ہے۔
شہر بھر میں حالیہ گرتی شدید برفباری نے عوامی نقل و حمل، ٹرانسپورٹ نظام اور روزمرہ معمولات زندگی پر منفی اثرات مرتب کر دیے ہیں۔موسمیات کے ماہرین کے مطابق یہ ریکارڈ شدید برفباری ایک طاقتور سائیکلون کی وجہ سے ہوا، جس نے شہر میں معمول سے زیادہ نمی اور بارشیں لائیں، جس کے نتیجے میں گرتی ہوئی برف کی مقدار غیر معمولی حد تک بڑھ گئی۔ مزید برفباری کا امکان بھی ظاہر کیا جا رہا ہے۔اب تک ماسکو یا روسی حکام کی طرف سے اسکولوں کی بندش یا تعطیلی کا کوئی باقاعدہ اعلان نہیں ہوا، تاہم گزشتہ برسوں میں شدید برفباری کے دوران عوامی حفاظت کے پیش نظر تعلیمی ادارے بند رکھنے کے فیصلے کیے گئے ہیں۔
ماسکو میں آج درجہ حرارت منفی 9 ڈگری سینٹی گریڈ ریکارڈ کیا گیا، جس سے سردی کی شدت میں اضافہ ہوا ہے۔ شدید برفباری کی وجہ سے ٹرانسپورٹ سروسز سست یا متاثر رہی ہیں، اور شہریوں کو نقل و حمل میں دشواریوں کا سامنا ہے۔ موسمیات کے ادارے شہریوں کو غیر ضروری سفر سے گریز اور احتیاطی تدابیر اختیار کرنے کی ہدایت کر رہے ہیں۔
