ہم نے جیلوں میں رہ کر چیخیں نہیں ماریں: احسن اقبال

 ایک شخص نے مجھے جھوٹے کیس میں جیل میں ڈالا تھا،  عدالت نے باعزت بری کر دیا 

 وہ شخص آج مکافات عمل کا شکار ہے، وقت آ گیا ہے  ان لوگوں کے چہرے پہچانیں:وفاقی وزیر
 نارووال (آئی این پی)مسلم لیگ ن کے رہنما اور وفاقی وزیر احسن اقبال نے کہا ہے  ہم بھی جیل گئے لیکن ہم نے وہاں سے چیخیں نہیں ماریں۔ وفاقی وزیر احسن اقبال نے نارووال میں تقریب سے خطاب کرتے ہوئے کہا ہے کہ ہم بھی جیل گئے تھے لیکن ہم نے وہاں سے چیخیں نہیں ماریں، لیکن ان کی روز جیلوں سے چیخوں کی آوازیں آتی ہیں۔احسن اقبال نے کہا کہ ایک شخص نے مجھے جھوٹے کیس میں جیل میں ڈالا تھا۔ مجھے تو عدالت نے باعزت بری کر دیا لیکن وہ شخص آج مکافات عمل کا شکار ہے۔ وقت آ گیا ہے کہ ان لوگوں کے چہرے پہچانیں۔ 4 سال ان کی حکومت رہی اور عثمان بزدار وزیر اعلی رہا مگر اس دور میں ترقی کا ایک منصوبہ شروع نہ ہوا۔وفاقی وزیر نے کہا کہ نواز شریف نے ہمیں ترقی کا سفر پڑھایا ہے۔ ہمیں پاکستان کو ترقی کی طرف لیکر جانا ہے