بیلا روس نے ڈرون کے خلاف لیزر ہتھیار متعارف کرا دیا

ریاض(آئی این پی )بیلاروس نے ڈرون کے خلاف لیزر ہتھیار متعارف کرا دیا جو شہری علاقوں میں فوجی اور سویلین تنصیبات کی حفاظت کے لئے استعمال کیا جا سکتا ہے۔عالمی میڈیا  رپورٹس کے مطابق مطابق یہ ہتھیار بیلاروسی کمپنی لمیٹڈ نے سعودی عرب کے دارالحکومت ریاض میں منعقد ہونے والے ورلڈ ڈیفنس شو 2026 میں متعارف کرایا ہے۔رپورٹ میں بتایا گیا ہے کہ یہ ہتھیار ڈرونز کی نگرانی اور ان کے ہدف کا تعین کرنے والے آپٹیکل سسٹم کو تباہ کرکے ہر قسم کے ڈرونز کو ناکارہ بنانے کی صلاحیت رکھتا ہے ۔ہتھیار شہری علاقوں میں فوجی اور سویلین تنصیبات کی حفاظت کے لئے استعمال کیا جا سکتا ہے، اس ہتھیار کی موثر رینج 50 سے 500 میٹر ، لیزر پاور 0.75 سے 2.0 کلو واٹ جبکہ وزن 4 سے 4.5 کلوگرام ہے۔