جنوبی افریقا کے خلاف دوسرے ٹی20 میچ میں پاکستان کی شکست پر سابق کپتان محمد حفیظ اور اوپنر احمد شہزاد نے کڑی تنقید کی ہے۔
احمد شہزاد نے ٹوئٹر پر طنزیہ انداز میں لکھا کہ جنوبی افریقہ اپنے 7 اہم کھلاڑیوں کے بغیر کھیل رہا تھا جبکہ پاکستان اپنی بہترین ٹیم کے ساتھ میدان میں اترا تھا، مگر پھر بھی شکست کا سامنا کیا۔ انہوں نے مزید کہا کہ پاکستان کرکٹ "ہر روز مر رہی ہے" اور اس پر شرم آتی ہے کہ پوری ٹیم اور انتظامیہ سو رہی ہے۔دوسری جانب محمد حفیظ نے بھی اپنے ٹوئٹ میں ناراضگی کا اظہار کرتے ہوئے پاکستان کرکٹ کو "سرکس" قرار دیا۔ ان دونوں کے پیغامات پاکستان کرکٹ کی موجودہ صورتحال پر گہری تشویش کو ظاہر کرتے ہیں۔
