اسرائیل ایرانی جوہری تنصیبات پر حملے کی تیاری کررہاہے:اسرائیلی اخبار کا دعویٰ

 اسرائیلی فضائیہ ایران کی جوہری تنصیبات کیخلاف ممکنہ حملوں کے لیے اپنی تیاری جاری رکھے ہوئے ہے
تل ابیب(آئی این پی)اسرائیلی اخبار نے دعویٰ کیا ہے کہ شام کا دفاعی نظام تباہ کرنے کے بعد اسرائیل نے ایران پر حملے کی تیاریاں شروع کردیں۔اسرائیلی اخبار کے مطابق اسرائیلی فوجی حکام نے کہا ہے کہ مشرق وسطیٰ میں ایران کے حامی گروپوں کے کمزور ہونے اور شام میں اسد حکومت کے خاتمے کے بعد اسرائیلی فضائیہ ایران کی جوہری تنصیبات کے خلاف ممکنہ حملوں کے لیے اپنی تیاری جاری رکھے ہوئے ہے۔ رپورٹس کے مطابق اسرائیل نے حملوں میں شام کے فضائی دفاعی نظام کو بری طرح نشانہ بنایا ہے۔اسرائیلی فوج کا خیال ہے کہ اب ایران کے جوہری مقامات پر حملہ کرنے کا موقع ہے کیوں کہ ایران اپنے جوہری پروگرام کو مزید آگے بڑھا سکتا ہے اور ایک بم تیار کر سکتا ہے۔