ویسٹ انڈیز کرکٹ بورڈ نے سابق کپتان اور معروف بلے باز ڈیرن سیمی کو ٹیسٹ ٹیم کا نیا کوچ مقرر کردیا ہے۔
اس تقرری کے بعد سیمی اب ویسٹ انڈیز کی تینوں فارمیٹس (ٹیسٹ، ون ڈے، اور ٹی 20) کے کوچ بن گئے ہیں۔ وہ اس سے قبل ٹی 20 اور ون ڈے ٹیموں کے بھی کوچ تھے۔ بورڈ کے مطابق سیمی ذمہ داریاں یکم اپریل 2025 سے سنبھالیں گے، اور وہ آندرے کولی کی جگہ لیں گے، جو فی الحال ٹیسٹ ٹیم کی کوچنگ کررہے ہیں۔بطور کھلاڑی، سیمی نے ویسٹ انڈیز کے لیے اپنی قیادت میں 2 ٹی 20 ورلڈ کپ (2012 اور 2016) جتوائے، جو ٹیم کے لیے تاریخی کامیابیاں تھیں۔ اپنی نئی ذمہ داری کے حوالے سے انہوں نے کہا کہ ویسٹ انڈیز کی نمائندگی ہمیشہ میرے لیے اعزاز رہا ہے، اور اب اس نئے کردار کے ساتھ ٹیم کو نئی سمت دینے کے لیے پرعزم ہوں۔
سیمی کی قیادت میں ویسٹ انڈیز نے ون ڈے میں 28 مقابلوں میں سے 15 جیتے، 12 ہارے اور ایک میچ برابر رہا۔ ٹی 20 میں، ان کی ٹیم نے 35 میچز میں سے 20 میں کامیابی حاصل کی ہے۔ اس تقرری کے بعد سے، سیمی کی قیادت میں ٹیم کی کارکردگی اور مستقبل کی سمت کے حوالے سے توقعات اور امیدیں بڑھ گئی ہیں۔
