پاکستان تحریک انصاف (پی ٹی آئی) کے رہنما اور سینیٹر علی ظفر نے کہا ہے کہ خیبرپختونخوا کے وزیراعلیٰ کا انتخاب ایک آدھے گھنٹے میں مکمل ہو جائے گا۔
پشاور ہائی کورٹ میں میڈیا سے گفتگو کرتے ہوئے انہوں نے بتایا کہ اگر اپوزیشن درخواست دیتی ہے تو وہ خود بھی اس میں پیش ہوں گے اور اگر اپوزیشن الیکشن روکنا چاہتی ہے تو اسے ایسا کرنے کی اجازت نہیں دیں گے۔ علی ظفر کا کہنا ہے کہ آئین کے مطابق، جب وزیراعلیٰ استعفیٰ دیتا ہے تو وہ خود مستعفی ہو جاتا ہے، اور گورنر کو استعفیٰ منظور کرنے کا کوئی قانون نہیں ہے۔
دوسری طرف، گورنر خیبرپختونخوا فیصل کریم کنڈی نے وزیراعلیٰ کا استعفیٰ واپس کرتے ہوئے کہا ہے کہ علی امین گنڈاپور کے دو متضاد استعفے موصول ہوئے ہیں جن پر دستخط مختلف اور غیرمشابہ ہیں۔ گورنر کے خط میں یہ بھی بتایا گیا ہے کہ استعفے کی تصدیق میں اختلاف ہے۔
