لندن کے ہیتھرو ایئرپورٹ پر طیارے کی ہنگامی لینڈنگ ناکام، تیز ہواؤں کے سبب استحکام نہ ہوسکا.
سعودی عرب کی نئی فضائی کمپنی ’ریاض ایئر‘ 26 اکتوبر 2025 سے لندن کے لیے پہلی پرواز روانہ کرے گی. لندن کے ہیتھرو ایئرپورٹ پر ایک طیارہ تیز ہواؤں کے سبب رن وے پر مستحکم انداز میں اترنے سے قاصر رہا۔ یہ طیارہ ٹیل رن وے سے ٹکرایا اور اچانک فضا میں بلند ہوگیا۔ ایئر ٹریفک کنٹرول نے فوری طور پر پائلٹ کو دوسری ہنگامی لینڈنگ کی اجازت دی، جس کے بعد چند منٹ کے چکر کے بعد طیارہ محفوظ طریقے سے لینڈ ہو سکا۔دوسری جانب، سعودی عرب کی نئی قومی فضائی کمپنی ’ریاض ایئر‘ کی جانب سے اعلان کیا گیا ہے کہ اس کی پہلی پرواز 26 اکتوبر 2025 کو ریاض سے لندن کے ہیتھرو ایئرپورٹ کے لیے روانہ ہوگی۔ یہ پرواز بوئنگ 787-9 تیکنیکی سپیئر طیارے کے ساتھ جائے گی۔ایئرلائن کے ابتدائی مرحلے کے آپریشنز کے تحت، ریاض ایئر نے اپنے ملازمین اور مخصوص گروپ کے لیے ٹکٹس فروخت کرنا شروع کی ہیں تاکہ سروس کے معیار کو بہتر بنانے کے تجرباتی مرحلے کو مکمل کیا جا سکے۔
پہلی پرواز ’آر ایکس 401‘ صبح سوا تین بجے ریاض کے کنگ خالد انٹرنیشنل ایئرپورٹ سے روانہ ہو کر ساڑھے سات بجے لندن کے ہیتھرو پہنچے گی۔ واپسی کی پرواز ’آر ایکس 402‘ صبح ساڑھے نو بجے لندن سے روانہ ہوگی اور ریاض کے وقت کے مطابق سوا سات بجے لینڈ کرے گی۔ایئرلائن نے لائلٹی پروگرام ’سفیر‘ بھی شروع کیا ہے، جس کے تحت ابتدائی رجسٹریشن کرانے والے ممبران کو بکنگ اور دیگر مراعات حاصل ہوں گی۔ریاض ایئر کو سعودی عرب کی وژن 2030 کے تحت اپنے دوسرے فلیگ شپ کیریئر کے طور پر متعارف کرایا جا رہا ہے، تاکہ مملکت کی تیزی سے ترقی کرتی ہوئی عالمی سیاحتی منزل کے طور پر حیثیت کو مزید مضبوط کیا جا سکے۔
