ویب ڈیسک: متحدہ عرب امارات میں رواں برس عیدالاضحیٰ جمعہ 6 جون 2025 کو ہونے کا قوی امکان ظاہر کیا گیا ہے۔
یہ پیشگوئی اماراتی فلکیاتی سوسائٹی کے نگران اعلیٰ اور عرب فلکیاتی فیڈریشن کے رکن ابراہیم الجرون نے کی ہے۔
چاند کی پیدائش اور رویت کی تفصیلات:
ابراہیم الجرون کے مطابق، ذوالحج کا چاند 27 مئی (منگل) کو شام 7 بج کر 2 منٹ پر پیدا ہوگا۔چاند غروب آفتاب کے 38 منٹ بعد تک افق پر موجود رہے گا، جس سے اس کی رویت کے امکانات انتہائی روشن ہیں۔
عید کی متوقع تاریخ اور تعطیلات:
فلکیاتی تخمینے کے مطابق:یکم ذوالحج بروز بدھ 28 مئی کو ہوگا۔یوں عیدالاضحیٰ (10 ذوالحج) جمعہ 6 جون کو متوقع ہے۔اگر یہ پیشگوئیاں درست ثابت ہوتی ہیں تو امارات میں عیدالاضحیٰ کی تعطیلات ممکنہ طور پر بدھ 4 جون سے ہفتہ 7 جون تک ہوں گی، یعنی 4 دن کی تعطیلات دی جائیں گی۔
معمولاتِ زندگی کی بحالی:
اتوار 8 جون کو ملک میں سرکاری و نجی دفاتر کے دوبارہ کھلنے اور معمولات زندگی کے بحال ہونے کا امکان ہے۔
عوام کے لیے طویل وقفے کا موقع:
عید کی تعطیلات شہریوں کو طویل وقفہ اور خاندانی وقت گزارنے کا نادر موقع فراہم کریں گی، جسے عوام کی بڑی تعداد سیر و تفریح اور سفر کے لیے استعمال کرے گی۔
