روس اور یوکرین میں مکمل جنگ بندی کا امکان ہے:صدر ٹرمپ

آئندہ چند دنوں میں بڑا فیصلہ سامنے آسکتا ہے،یوکرینی صدر کو وائٹ ہائوس میں دوبارہ مدعو کریں گے  
 واشنگٹن(آئی این پی ) امریکی صدر ڈونلڈ ٹرمپ نے روس اور یوکرین کے درمیان مکمل جنگ بندی کی امید ظاہر کی ہے۔ ان کا کہنا ہے کہ روس جنگ بندی منصوبے پر رضامند ہوسکتا ہے اور آئندہ چند دنوں میں بڑا فیصلہ سامنے آسکتا ہے۔غیرملکی خبررساںادارے کے مطابق ٹرمپ نے مزید کہا کہ وہ یوکرینی صدر ولادیمیر زیلنسکی کو وائٹ ہائوس میں دوبارہ مدعو کریں گے اور اس ہفتے روسی صدر ولادیمیر پیوٹن سے بھی بات چیت کریں گے تاکہ جنگ بندی کے عمل کو آگے بڑھایا جا سکے۔