پاکستان کے معروف اداکار اور پروڈیوسر فہد مصطفیٰ کے بارے میں سوشل میڈیا پر افواہیں گردش کر رہی ہیں کہ انہوں نے اپنی بیوی ثنا فہد کے بعد دوبارہ شادی کر لی ہے۔
فہد مصطفیٰ اپنی محنت اور پرکشش شخصیت کے باعث پاکستانی شوبز انڈسٹری میں بہت مقبول ہیں۔ ان کی اور ثنا کی محبت کی کہانی بھی دلچسپ ہے، دونوں کالج کے زمانے سے ساتھ ہیں اور دو بچے ہیں، بیٹی فاطمہ اور بیٹا موسٰی۔افواہوں کے مطابق فہد کی دوسری شادی حنا امان سے ہوئی ہے، جو ایک پروڈیوسر اور بیک سیٹ فلمز کی مالک ہیں۔ شوبز حلقوں اور مداحوں نے اس معاملے پر حیرت اور دلچسپی کا اظہار کیا، لیکن کچھ صارفین نے خبردار کیا کہ بغیر ثبوت کے افواہیں پھیلانا درست نہیں۔اب تک فہد مصطفیٰ یا ثنا نے اس افواہ کی تصدیق یا تردید نہیں کی، جبکہ مداح سوشل میڈیا پر مزید معلومات کے لیے متحرک ہیں۔
