پشاور :سڑکوں پر کنٹینرز ، راستے بند،بی آر ٹی سروس معطل

 باچا خان چوک، خیبر روڈ اور فردوس چوک پر کنٹینر،بی آر ٹی کا عملہ سٹیشنز پر موجود ، سروس بحال کرنے کا فیصلہ جلد کیا جائے گا
پشاور (مانیٹرنگ ڈیسک) پشاور میں مختلف سڑکوں پر کنٹینرز لگا کر راستے بند کر دیئے گئے۔ترجمان ٹرانس پشاور کے مطابق باچا خان چوک، خیبر روڈ اور فردوس چوک پر کنٹینرز رکھ دیئے گئے ہیں، سڑکوں کی بندش اور سکیورٹی صورتحال کے پیش نظر بی آر ٹی سروس عارضی طور پر معطل کر دی گئی ہے۔ترجمان کا کہنا ہے کہ بی آر ٹی کا عملہ سٹیشنز پر موجود ہے، جبکہ حالات کا جائزہ لینے کے بعد سروس بحال کرنے کا فیصلہ کیا جائے گا۔