چنئی سے ابوظبی جانے والے طیارے میں ٹیک آف سے قبل آگ بھڑک اٹھی، بھارتی میڈیا رپورٹس

بھارتی شہر چنئی میں ابوظبی جانے والی پرواز ٹیک آف سے قبل حادثے سے بال بال بچ گئی.

بھارتی شہر چنئی سے متحدہ عرب امارات کے دارالحکومت  ابوظبی جانے والی ایک پرواز میں ٹیک آف سے قبل اچانک آگ بھڑک اٹھی، جس کے باعث بڑے حادثے سے بچاؤ ممکن ہو گیا۔بھارتی میڈیا کے مطابق طیارے کے ایک پر (wing) میں آگ اس وقت لگی جب جہاز ٹیک آف کی تیاری کر رہا تھا۔ پرواز میں تقریباً 280 مسافر سوار تھے۔

فوری کارروائی اور مسافروں کا انخلاء
پائلٹس نے فوری طور پر پر میں آگ کا نوٹس لیا اور ٹیک آف روک دیا۔ اس کے بعد ایئرپورٹ فائر بریگیڈ کو طلب کیا گیا، جس نے بروقت کارروائی کرتے ہوئے آگ پر قابو پا لیا۔تمام مسافروں کو بحفاظت طیارے سے اتار لیا گیا اور کسی جانی نقصان کی اطلاع نہیں ملی۔

پرواز منسوخ
واقعے کے بعد متعلقہ پرواز کو مکمل طور پر منسوخ کر دیا گیا ہے، جبکہ تکنیکی ٹیمیں آگ لگنے کی وجہ جاننے کے لیے تحقیقات کر رہی ہیں۔حکام کے مطابق اگر بروقت کارروائی نہ کی جاتی تو صورتحال خطرناک ہو سکتی تھی، تاہم فوری ردعمل کے باعث ایک بڑے حادثے سے بچاؤ ممکن ہو گیا۔