وزیراعلیٰ پنجاب مریم نواز شریف نے 6 لاکھ کاشتکاروں کو کسان کارڈ کے ذریعے فی ایکڑ 5 ہزار روپے ویٹ سپورٹ پرائس کی منظوری دے دی ہے، جس کے تحت کسانوں کو سبسڈی فراہم کی جائے گی۔
اس اقدام سے کاشتکاروں نے 22 ارب روپے کے قرض کسان کارڈ کے ذریعے واپس کیے ہیں۔ کسانوں کو کسان کارڈ نہ رکھنے والے افراد کو بھی فی ایکڑ 5 ہزار روپے سبسڈی دی جائے گی۔وزیراعلیٰ مریم نواز نے کہا کہ اگلی فصل کے لیے بھی کاشتکاروں کو اربوں روپے کی سبسڈی دی جائے گی۔ کاشتکاروں نے زرعی مداخل کے لیے 36 ارب روپے خرچ کیے اور کسان کارڈ کے ذریعے زرعی مداخل کے لیے جاری قرضوں کی 60 فیصد واپسی مکمل کر لی ہے۔
مریم نواز کی زیر صدارت ہونے والے ایک خصوصی اجلاس میں زرعی ٹیوب ویل کی سولرائزیشن کی سکیم کا جائزہ لیا گیا، ویٹ سپورٹ پروگرام کے نفاذ کے لیے تجاویز پر غور کیا گیا اور زرعی زمین مالکان کے ساتھ ٹھیکیداروں کو بھی شامل کرنے کے امکانات پر بات کی گئی۔ اس اجلاس میں ویٹ سپورٹ پروگرام کے لیے موصول ہونے والی 50 فیصد درخواستوں کی تصدیق بھی کی گئی۔
