تل ابیب :یرغمالیوں کی رہائی کھٹائی میں پڑنے پر مظاہرے شروع، ہائی وے بند

 اسرائیلی پولیس کی یرغمالی کی والدہ اور حکومت مخالف کارکن عینو زنگاوکر کو احتجاج سے ہٹانے کی کوشش    
تل ابیب (آئی این پی ) اسرائیلی دارلحکومت تل ابیب کے شہریوں نے حماس کی حراست میں موجود تمام یرغمالیوں کی مکمل رہائی اور جنگ بندی کے معاہدے کی تکمیل کا مطالبہ کرتے ہوئے جنوب کی طرف جانے والی ایالون ہائی وے کو بند کر دیا۔اسرائیلی میڈیا کے مطابق مظاہرین اس بات پر زور دے رہے ہیں کہ تمام اسرائیلی یرغمالیوں کی واپسی میں تیزی لانے کے لیے معاہدے کی مدت کو کم کیا جائے، کیوں کہ رہا ہونے والے آخری 3افراد کو خراب طبی حالت میں اسرائیل بھیجا گیا تھا۔ایکس پر ایک پوسٹ میں اسرائیلی شہری کریو نے کہا کہ وہ یرغمالیوں کے اہل خانہ اور ہزاروں اسرائیلیوں کے ساتھ مارچ کر رہے ہیں، جو اب وزیر اعظم بنجمن نیتن یاہو کے تکبر، جھوٹ اور سازشوں کو قبول کرنے کے لیے تیار نہیں، جو ہمارے بھائیوں اور بہنوں کو چھوڑ چکے ہیں۔اسرائیل ہیوم کے مطابق پولیس نے یرغمالی متان زنگاکر کی والدہ اور حکومت مخالف اہم کارکن عینو زنگاوکر کو زبردستی احتجاج سے ہٹانے کی کوشش کی ۔