روس کے صدر ولادیمیر پیوٹن نے کہا ہے کہ اگر مغربی ممالک نے روسی تجارتی جہازوں کو قبضے میں لیا تو روس بھی اسی انداز میں جواب دے گا۔
انہوں نے یہ بیان روسی جزیرے سخالین میں بحری فوجی مشقوں کا جائزہ لیتے ہوئے دیا۔ پیوٹن کا کہنا تھا کہ روس اس کے مطابق اور ضروری سمجھنے پر کارروائی کرے گا۔خبر ریلے کے مطابق، پیوٹن نے نشاندہی کی کہ نیٹو ایشیا بحرالکاہل کے خطے میں مداخلت بڑھا رہا ہے اور آرکٹک میں کشیدگی میں اضافہ ہو رہا ہے۔ انہوں نے بتایا کہ کئی ممالک کے حکام روسی بحری جہازوں کی نقل و حرکت محدود کرنے کی کوششیں کر رہے ہیں۔پیوٹن نے یہ بھی کہا کہ یورپی یونین کے ممالک کی جانب سے روسی تجارتی جہازوں کو قبضے میں لینا بحری قزاقی کے مترادف ہے۔ ان کا یہ بیان اس تناؤ کے درمیان سامنے آیا ہے جہاں مغربی ممالک روس کے خلاف اقتصادی اور بحری پابندیاں عائد کیے ہوئے ہیں۔
