پاکستان سپر لیگ (پی ایس ایل) کے 10ویں ایڈیشن کے مہنگے ترین کھلاڑی، ڈیوڈ وارنر، کی تنخواہ کا موازنہ آئی پی ایل سے کیا جانے لگا ہے۔
ڈیوڈ وارنر پی ایس ایل کے رواں سیزن میں کراچی کنگز کی نمائندگی کریں گے اور ان کے بارے میں یہ کہا جا رہا ہے کہ وہ اس سیزن میں پی ایس ایل کے سب سے مہنگے کھلاڑی ہیں۔ کراچی کنگز نے انہیں پلیٹینم کٹیگری میں 3 لاکھ ڈالر (تقریباً 8 کروڑ 41 لاکھ روپے) کے معاوضے کے ساتھ اپنے اسکواڈ میں شامل کیا ہے۔اس کے مقابلے میں، ڈیوڈ وارنر کو آئی پی ایل 2024 کے سیزن میں دہلی کیپیٹلز نے 6.25 کروڑ بھارتی روپے (تقریباً 15 کروڑ پاکستانی روپے) میں اپنے اسکواڈ کا حصہ بنایا تھا، جو پی ایس ایل کے مقابلے میں ان کی دوگنی تنخواہ ہے۔ورلڈ کلاس اوپنر نے 2019 سے 2021 کے دوران اپنے کرئیر کے عروج پر آئی پی ایل میں 12.5 کروڑ بھارتی روپے فی سیزن کما چکے ہیں، جو ان کی شاندار کارکردگی کا عکاس ہے۔
ڈیوڈ وارنر نے آئی پی ایل میں اب تک 184 میچز کھیلے ہیں، جن میں 6 ہزار 565 رنز اسکور کیے ہیں۔ ان کی اوسط 36.63 رہی ہے اور اسٹرائیک ریٹ 140.5 رہا ہے۔ ان کے اس ریکارڈ میں 4 سینچریاں اور 60 نصف سنچریاں بھی شامل ہیں۔پاکستان سپر لیگ میں کراچی کنگز کے کپتان کی آئی پی ایل کے مقابلے میں کم سیلری پر بھارتی کرکٹ فینز نے انہیں طعنے دینا شروع کر دیے ہیں، جو اس بات کا غماز ہے کہ بعض بھارتی فینز ان کی پی ایس ایل میں کم تنخواہ پر سوال اٹھا رہے ہیں۔اگرچہ وارنر کی آئی پی ایل میں تنخواہ زیادہ ہے، مگر ان کا پی ایس ایل میں کھیلنا پاکستانی کرکٹ فینز کے لیے خوشی کی بات ہے، اور ان کے آنے سے پی ایس ایل کی چمک اور دلچسپی میں مزید اضافہ متوقع ہے۔
