پوری امت مسلمہ حماس کے ساتھ کھڑی ہے:مولانا فضل الرحمن

اسرائیل زمینی لڑائی سے خوفزدہ ہے اس لئے صرف فضائی بمباری کر رہا ہے
فلسطینی مجاہدین اور عوام کی قربانیاں رائیگاں نہیں جانے دی جائیں گی:سربراہ جے یوآئی
اسلام آباد (آئی این پی) جمعیت علمائے اسلام   کے سربراہ مولانا فضل الرحمن  نے قطر کے دارالحکومت دوحا میں اسرائیلی حملے کی مذمت کرتے ہوئے کہا ہے کہ پوری امت مسلمہ حماس کے ساتھ کھڑی ہے۔انہوںنے اپنے بیان میں کہا   پاکستان کے عوام، جے یو آئی کی پوری قیادت اور کارکنان حماس کی قیادت پر قطر کے دارالحکومت دوحا میں کیے گئے بزدلانہ حملے کی سخت اور واضح الفاظ میں مذمت کرتے ہیں۔ انہوں نے کہا کہ یہ حملہ دراصل مسلم اور عرب دنیا کی خود مختاری پر حملہ ہے۔ مولانا فضل الرحمان نے کہا کہ حماس کی قیادت امریکی صدر کی جانب سے پیش کی گئی جنگ بندی کی پیشکش پر بات چیت کے لیے جمع تھی کہ اس موقع پر یہ حملہ کیا گیا۔ سربراہ جے یو آئی کا کہنا تھا کہ اس کارروائی میں مغربی فضائیہ کے انٹیلی جنس اور ایندھن بھرنے والے طیارے بھی استعمال ہوئے۔ تاہم اطلاعات کے مطابق حماس رہنما خالد مشعل سمیت دیگر قیادت کو نشانہ بنانے کی کوشش ناکام رہی۔انہوں نے دعا کی کہ حماس کی تمام قیادت ہمیشہ محفوظ و سلامت رہے اور واضح کیا کہ امت مسلمہ فلسطینی عوام کے جائز مقصد کی حمایت سے پیچھے نہیں ہٹے گی۔ او آئی سی فوری طور پر خالد مشعل اور دیگر رہنماں کو مکمل تحفظ فراہم کرے تاکہ وہ فلسطین اور مسجد اقصی کی آزادی کی تحریک کی قیادت مثر انداز میں جاری رکھ سکیں۔