مصر کے ضلع القلیوبیہ میں ایک دل دہلا دینے والا واقعہ پیش آیا، جہاں ایک شوہر نے گھریلو جھگڑے کے دوران اپنی بیوی کو پانچویں منزل سے دھکیل کر قتل کر دیا۔
یہ افسوسناک واقعہ اس وقت پیش آیا جب مقتولہ کی دو کمسن بیٹیاں، جن کی عمریں 8 اور 10 سال ہیں، اپنی والدہ کے قتل کو اپنی آنکھوں سے دیکھ رہی تھیں۔مقامی پولیس کے مطابق، شوہر نے اپنی بیوی کو پانچویں منزل سے دھکیل دیا، جس کے نتیجے میں وہ موقع پر ہی جاں بحق ہوگئیں۔ پولیس نے فوری کارروائی کرتے ہوئے ملزم کو گرفتار کر لیا اور عدالت سے چار روزہ جسمانی ریمانڈ حاصل کیا۔
یہ واقعہ نہ صرف ایک خاندان کی تباہی کا سبب بنا بلکہ معاشرتی سطح پر بھی سوالات اٹھا رہا ہے کہ گھریلو تشدد کے واقعات میں اضافہ کیوں ہو رہا ہے اور ان کی روک تھام کے لیے کیا اقدامات کیے جا رہے ہیں۔
