امریکابرطانیہ معاہد ہ:بٹ کوائن کی قیمت ایک لاکھ ڈالر سے تجاوز کر گئی

   واشنگٹن  لندن (آئی این پی )دنیا کی سب سے بڑی کرپٹو کرنسی بٹ کوائن نے ایک لاکھ ڈالر کی سطح عبور کرلی۔ رواں سال فروری کے بعد یہ پہلا موقع ہے کہ بٹ کوائن اس حد تک پہنچا ہے۔ غیرملکی میڈیارپورٹس کے مطابق ماہرین کا کہنا ہے کہ اس اضافے کی بڑی وجہ امریکا اور برطانیہ کے درمیان حالیہ معاشی معاہدہ ہے، جس سے سرمایہ کاروں میں اعتماد بحال ہوا ہے۔بٹ کوائن کی موجودہ قیمت 1,01,329امریکی ڈالر تک پہنچی، جو ایک دن میں 4.7فیصد اضافہ ظاہر کرتی ہے۔