مشترکہ تحقیقاتی ٹیم (جے آئی ٹی) نے ریاست مخالف پروپیگنڈے میں ملوث پی ٹی آئی کے 25 افراد کو دوبارہ طلب کر لیا ہے۔
ان افراد کی تحقیقات ریاست مخالف سرگرمیوں اور پروپیگنڈے کے حوالے سے کی جا رہی ہیں۔جے آئی ٹی انسپکٹر جنرل آف پولیس اسلام آباد کی سربراہی میں تحقیقات کر رہی ہے۔ پی ٹی آئی کے ان 25 افراد میں پارٹی رہنما اور سوشل میڈیا ٹیم کے ارکان شامل ہیں۔ ان افراد کو نوٹسز جاری کیے گئے ہیں جس میں انہیں متنبہ کیا گیا ہے کہ وہ اس معاملے پر اپنی پوزیشن واضح کریں۔پولیس لائن میں سیکیورٹی کے سخت انتظامات کیے گئے ہیں اور میڈیا کو پولیس لائن میں داخلے کی اجازت نہیں دی گئی۔ تاہم، کچھ فاصلے سے کوریج کی اجازت دی گئی ہے تاکہ حالات کی نگرانی کی جا سکے۔
