بلوچستان: واشک میں مسلح افراد کا سوراپ چیک پوسٹ پر حملہ

 گاڑی اور چیک پوسٹ کے 2 کمروں کو آگ لگادی ‘اہلکاروں کو یرغمال بنانے کی کوشش ناکام
کوئٹہ (آئی این پی )بلوچستان کے ضلع واشک میں رات گئے مسلح افراد نے ناگ کے علاقے میں سوراپ چیک پوسٹ پر حملہ کردیا جسے لیویز اہلکاروں نے ناکام بنادیا۔لیویز حکام کا کہنا ہے کہ مسلح افراد نے ایک گاڑی اور چیک پوسٹ کے 2 کمروں کو آگ لگائی۔لیویز حکام نے بتایا کہ حملہ آوروں نے لیویز اہلکاروں کو یرغمال بنانے کی کوشش کی جو کہ ناکام بنا دی گئی۔حکام  کے مطابق حملے کے وقت چیک پوسٹ پر 8 لیویز اہلکار موجود تھے جبکہ لیویز اہل کاروں کی جوابی کارروائی پر حملہ آور فرار ہوگئے۔