پاک بھارت جنگ سے پوری دنیا متاثر ہوگی:چودھری شجاعت حسین

 افواج پاکستان نے بھارتی بزدلانہ حملہ نہ صرف پسپا کیا بلکہ اسے بھاری نقصان بھی پہنچایا
 جنگ صرف گولی اور بم کا نام نہیں ‘ یہ بھوک، غربت اور دیگر برائیاں ساتھ لاتی ہے:سربراہ ق لیگ 
اسلام آباد(آئی این پی)پاکستان مسلم لیگ (ق)کے سربراہ چودھری  شجاعت حسین نے کہا ہے  پاک بھارت جنگ سے پوری دنیا متاثر ہوگی۔چوہدری شجاعت حسین نے پاکستان کے خلاف بھارتی جارحیت پر ردِعمل دیتے ہوئے کہا کہ افواج پاکستان نے بھارتی بزدلانہ حملہ نہ صرف پسپا کیا بلکہ اسے بھاری نقصان بھی پہنچایا۔انہوں نے کہا کہ جنگ کا انحصار عددی برتری یا ہتھیاروں پر نہیں، جذبہ ایمانی اور دلیری پر ہوتا ہے۔سربراہ ق لیگ نے کہا کہ جنگ صرف گولی اور بم کا نام نہیں بلکہ یہ بھوک، غربت اور دیگر برائیاں ساتھ لاتی ہے۔انہوں نے کہا کہ پاک بھارت جنگ صرف دو ممالک کی جنگ نہیں بلکہ اس سے پوری دنیا متاثر ہو گی۔چوہدری شجاعت حسین نے مزید کہا کہ عالمی طاقتیں ثالثی کے بیانات سے ایک قدم آگے بڑھتے ہوئے جنگ کے خاتمے کیلیے اقدامات کریں۔