ٹیکنالوجی کے جنون میں مبتلا انسان سال 2100 تک بہت مختلف نظر آئیں گے،تحقیق

 لندن (آئی این پی )سائنسدان اس بات کا مطالعہ کر رہے ہیں کہ ٹیکنالوجی انسانی جسموں کو کیسے متاثر کررہی ہے۔ ان کا خیال ہے کہ سال 2100تک، انسان بہت مختلف نظر آئیں گے۔رپورٹ کے مطابق یہ سمجھنے کے لیے کہ روزانہ ٹیکنالوجی کا استعمال ہم پر کس طرح اثر انداز ہوتا ہے۔ ماہرین نے ایک مطالعہ کیا اور ایک 3D ماڈل بنایا کہ انسان مستقبل میں کیسا دکھ سکتا ہے۔رپورٹ کے مطابق سائنسدانوں نے Mindy کے نام کا ایک تھری ڈی ماڈل تخلیق کیا جس پر ان کا خیال ہے سال 2100 میں انسان اس ماڈل کی طرح دکھائی دے سکتا ہے۔ کمپیوٹر کے سامنے بیٹھ کر زیادہ وقت گزارنے اور فون استعمال کرنے کی وجہ سے اس ماڈل کی کمر جھک گئی ہے۔ مینڈی کی گردن کے پٹھے بڑھے ہوئے ہیں جو اس کی خراب حالت کو سہارا دینے میں مدد کرتے ہیں، اسے تابکاری سے بچانے کے لیے ایک موٹی کھوپڑی اور زیادہ تر غیر فعال طرز زندگی کی وجہ سے ایک چھوٹا دماغ بھی کچھ عجیب دکھایا گیا ہے۔