بھارتی ریاست اڈیشہ میں ایک چھوٹا طیارہ گر کر تباہ ہو گیا، جس میں سات افراد سوار تھے جن میں پائلٹ اور چھ مسافر شامل تھے۔
حادثہ جگڈا بلاک کے قریب پیش آیا، جب طیارہ بھونیشور کے لیے اڑان بھرنے کی کوشش کر رہا تھا۔ ابتدائی اطلاعات کے مطابق طیارہ رورکیلا سے تقریباً 10-15 کلومیٹر کے فاصلے پر گر گیا۔حادثے کے فوری بعد ریسکیو ٹیمیں موقع پر پہنچیں اور تمام زخمیوں کو فوری طبی امداد کے لیے قریبی ہسپتال منتقل کر دیا گیا۔ زخمیوں کی حالت کے بارے میں تفصیلات تاحال محدود ہیں۔
طیارہ 9 نشستوں والا انڈیا ون ایئر کرافٹ تھا اور حادثے کی وجوہات کے تعین کے لیے تحقیقات جاری ہیں۔ ابتدائی اطلاعات کے مطابق طیارہ ٹیک آف کے چند لمحوں بعد زمین سے ٹکرا گیا۔مبینہ طور پر طیارے میں شامل تمام افراد کو بچا لیا گیا، لیکن حادثے کے بعد ہوائی جہاز مکمل طور پر تباہ ہو گیا۔ ریسکیو ٹیمیں علاقے میں آپریشن جاری رکھے ہوئے ہیں تاکہ کسی اور نقصان کا پتہ لگایا جا سکے۔
