فلوریڈا میں ایک چھوٹے طیارے نے ہائی وے پر ہنگامی لینڈنگ کے دوران ایک کار سے ٹکر مار دی، جس کی دل دہلا دینے والی ویڈیو سوشل میڈیا پر وائرل ہو گئی۔
امریکی میڈیا کے مطابق، سنگل انجن بیچ کرافٹ 55 میں دو 27 سالہ افراد سوار تھے۔ پائلٹ نے انجن میں خرابی کی اطلاع دی اور ہنگامی لینڈنگ کی کوشش کی، تاہم طیارہ ایک ٹویوٹا کیمری پر جا گرا۔حادثے میں 57 سالہ خاتون ڈرائیور زخمی ہوئیں اور انہیں اسپتال منتقل کر دیا گیا، جبکہ پائلٹ اور اس کا ساتھی محفوظ رہے۔ حادثے کے بعد شاہراہ پر گاڑیوں کی لمبی قطاریں لگ گئیں اور ایمرجنسی ٹیموں نے ملبہ ہٹانے کے لیے کئی گھنٹے کارروائی کی۔ تصاویر میں طیارہ میڈین پر پھنسا ہوا اور آس پاس سڑک بھر میں ملبہ پھیلا ہوا دیکھا جا سکتا ہے۔
پولیس نے کہا کہ طیارے کے انجن کی خرابی کی وجوہات کی تحقیقات جاری ہیں۔مزید برآں، چند گھنٹے قبل فلوریڈا میں ایک اور چھوٹا طیارہ ہنگامی لینڈنگ کے دوران پلیماؤتھ ایونیو کے قریب ڈی لینڈ ہائی اسکول کے پاس گر گیا، جس میں دو افراد زخمی ہوئے۔ ایک زخمی کو ہیلی کاپٹر کے ذریعے اسپتال منتقل کیا گیا اور شاہراہ کو کئی گھنٹے بند رکھا گیا۔یہ واقعہ فلوریڈا میں چھوٹے طیاروں کے حادثات کی بڑھتی ہوئی سنگینی کو اجاگر کرتا ہے۔
